tg-me.com/huzurkitoblari/1202
Last Update:
Ushbu parcha qaysi asardan?
Bir payt kutilmaganda koʻcha tomondan gʻala-gʻovur ovozlar eshitila boshladi. Mehmonxonadan bitta naridagi pastki mahallada bir mashina devorga kelib urilgan edi.
Alaz ham, aslida, mana shu shovqindan choʻchib uygʻonib ketgandi. U pastki koʻchada baqir-chaqir qilib, har tarafga chopib yurgan bir necha odamni koʻrdi. Shu lahza pastga qaradi-yu, hayratdan qotib qoldi...
Qarshi devorga borib urilgan va tutun ichida qolgan mashina Jonsuniki edi...
Alaz beixtiyor “Jonsu!” deb baqirib yubordi va pastga oʻqdek otildi. Zinalardan sakrab-sakrab, jon holatda mehmonxonadan otildi. Otilib bordi-yu... halokatga uchragan mashinaga tikilib qoldi...
Vaqt goʻyo toʻxtab qolgandek edi. Jonsu mashina ichida boshi bir tomonga ogʻgan holatda yotardi... Alaz odamlar orasidan oʻtib, mashina tomon qadam bosdi. Qulogʻi shangʻillar, hech nimani eshitmasdi. Atrofdagilar “Yaqinlashma, mashina portlab ketishi mumkin!” deb baqirishardi.
Alaz koʻz yoshini tuta olmay, boʻgʻiq ovozi bilan “Keldingmi?” dedi. Jonsu boshini biroz koʻtarib qaraganday boʻldi. Ammo u qimirlay olmas edi. “Qani, tur oʻrningdan!”, dedi Alaz. Jonsuda hech bir harakat sezilmadi. Alaz yana takrorladi: “Iltimos, tur oʻrningdan, Jonsu-u-u!..”
Bu orada tez yordam yetib kelib, shifokorlar yordam koʻrsata boshladi. Jonsuning boʻshashgan qoʻllaridan bir parcha qogʻoz tushdi. Alaz bu qogʻozni darrov tanidi va qoʻliga oldi.
Bu oʻsha oʻzi yozib bergan shahodat kalimasi edi!!!
👉@huzurkitoblari
BY Huzur kitoblari
Warning: Undefined variable $i in /var/www/tg-me/post.php on line 283
Share with your friend now:
tg-me.com/huzurkitoblari/1202